Tuesday, July 1, 2008

Humaare TASHAN ki baari

Bhaiya aajkal toh jisse dekho woh blogging kar raha hai. SRK, Big B, Aamir Khan saare superstarts ne apne apne blog bana liye toh humne socha ki ab is superstar ko bhi blog bana hi lena chahiye taaki hum race mein peeche na reh jaaye.
Apne baare mein kya bataaye Kanpur ke hain toh TASHAN toh koot koot kar bhara hai aakhir bachchanpandey humaare padhosi(neighbour) the . Upar se neeche tak 72 kilo TASHAN hai poora. Arey bhaiya apni toh baat hi kuch niraali hai.
North mein schooling ki, South mein graduation aur ab pahuch gaye West PG karne. Yahi pattern raha toh East bhi pahuch jaayenge kuch karne.
Kal hi Institute of Management Nirma University join kiya hai. Aa gaye yahaan MBA shemBA karne mazaak mazaak mein. "Chala Murari MBA karne".
Class waas badhiya hai, campus bhi hara bhara hai sab bilkul mast hai aur hostel ke toh kya kehne. Bhaiya humein toh lagta tha ki VIT se acha koi campus ho hi nahin sakta par yeh toh usse acha nikla.
Haan lekin ek All Mart aur AC Food Court ki kami hai baaki sab theek hai.
Ek hafte mein hi itni padhai shadhai ho gayi ki humaari toh watt hi lag gayi. Jisko dekho bas padhne mein laga hua hai. Par yahaan ko atmosphere toh gajab hai boss. Saare log bahut friendly hain bas padhakoo bahut hain.
Kal ek mast meet hui seniors se tab laga ki haan woh filmo waale types college mein aa gaye hain. Kaafi dhamaal kiya, khoob chillaye bhi.
VIT ki population ko yahaan miss karte hain wahaan toh the 10000 students par yahaan toh 1000 bhi nahin lagte toh campus soona soona laage hai.
Library gaye nahin abhi tak, kal wahaan bhi ghoom aayenge.
Sab angrezi mein blog likhte hain toh humne socha thoda alag kiya jaaye par bhaiya next baar thodi angrezi ho jaaye warna log UP ka bhaiya samajh baithenge. Waisi angrezi thodi beak hai par kaam chalaoo hai.
Baaki Nirma ke baare mein kya bataaein jhama jham baarish ho rahi hai mausam mast ho gaya hai. Chalo aage dekhte hain kya hota hai. Par bhaiya padhna toh bahut padhega aakhir manager jo banana hai.

6 comments:

Ambuj Sinha said...

thoda bihari tasssa..
dev ka ye jo ansh hai bahut hi tharki hai.. jaisan ki ekra blogwa se pata chaliye raha hai.. ekdumme laaal aur kaaala kar dihis hai.. porn sitewa ke jaisan..
aur bhaloo niyar to lagbe karte the collejwa me.. laika badi tej hai lekin.. ego haath se computer pe wallpaper set karta hai to dusre haath se.. ram ram. manager to ee banbe karega. loot lega stock market ke.. samajh liyo.. bear hai to bear market pe kabja jamaiye lega.. aur tassan wassan ka hota hai. bus phokus hota hai phokus.. phata poster nikla jeeero.

Ashish said...

ekdum jiya ma aag lagai diyo ho !!!
ek dum bihari padh ke humar dil garden garden hui gawa hai....
nirma ka jo explain kiye ho , sachi bataien man karat hai ki abhi kapdo dhoye daalen.....khair chala ho konho baat nahi kal dhoye lenge.....mast likha ho !!!!!

aur likhat rahiyo ......

Unknown said...

banda ye bindaas hai banda ye bindaas hai...
hamar kanpur ke bhaiya...bahut-2 mubarakbaad nirma milne ki khushi mein...acha likha hai...hum logo ko bhi dhayn rakhiyega gajodhar bhaiya...
likhte rahiyega..."All d best Dude"

ranjithatatineni said...

Ye kounse bhaiya ko bataa raha hai bhai..mba karne gaya hai tho thoda angrezi seek ke jata mental.waise acha hai.aur badha mast laga. Hmm vaise tu ye bachan uncle tere padhosi the ka natak ab tak bandh nei kiya..

Harshit Gupta said...

hmmm... badhiya hai... waise tumhari repute se thoda neeche hai.. par pehla blog to bade bachchanwa ka bhi popular nahi hua tha.. tum to bachchan ke padosi hi thehre..

mehnat karte raho.. ek din pappu ke pass bhi MBA hoga...

whatwasithinking said...

arre ka ho gajodhar bhaiya!!! kaisan ho... nirma me suna hai achchhe se dhulai hot rahi tumhari... aur ab ye blog shog bhi likhne lage ho.. ki haal chal hai tohar?? Nirma raas aaya ki naahi ab tak?? blog padhke toh bahut achcha laga.. achche se deshcribes bhi kiye ho apne naye college ko... chalo. bahut bahut shubkaamnaye...